Firgojechem
Konsagrasanv
FATIMACHE
ANKVARI, Devachê, lgorjechê ani amchê maiê, Sorga ani sonvsarachê Ranniê,
Patkeanchea Asrea, aiz ami, bhov vhodd khoxe monan hi amchi (hanga nanv ghe)
firgôz, Tujea Dukhabhorit ani Khotavinn Kallzak somorpitanv.
Ami tuka somorpitanv amcho Padr Vigar,
ani her soglle Padri ani Madri je hea ganvant Devacho vaur kortat ani amchea
otmea-kuddichea boreak odd’dupudd zatat. Bhou mogall Maiê, tankam soglleank
tujea kallzant bhitor ghe, te disan dis Jezuchea sarkeache zai-xe kor oxem ki
apleam utramnim ani chalint te khorech Jezuche munniari mhunn bhavarteank ani
onbhavarteank kollom-di;
Ami Tuka somorpitanv amchim ZANTTIM;
tunch tanchea matarponnacho danddo , tanche osoktaiechem boll ani tancheam
piddanchem okot, oxem ki aple piraiechem ozonn bore bhaxem vhoron, tim Devachea
mogan vaddom, tanchem jivit nen’tteank dekh zaum, ani ek dis Tujea Putak Zai
tednam ani zai toxem tankam borem morn favo zaum.
Ami Tuka somorpitanv amcheô KAZARI
ZODDIO: tanchea bhesak kitleô ani kedeô oddchonneô asat teô tum ollkhotai;
tankam uzvadd ani ghottai di tãnnim aple soglle kaide Devachê sumurti pormonnem
lhanvhodd korcheak.
Ami Tuka somorpitanv AMCHIM
PIDDEVONTAM: Tim kitem bhôgtat tem tum
zannoi; tãnnim Kristi sosnnikaien aple koxott-dogd tolli-xe kor, ani Devachi
khoxi zalear, bhov mogall Maiê, Piddevontanchê Bholaikê, tankam veginch borim
kôr.
Ami Tuka somorpitanv amche TORNATTE,
ani TORNATTIM: tanchi hurba, umêd, anvdde ani sopnam tum zannoi: toxench tum
zannoi tanchea niz boreak atanchea kallache sonkott: drugs, mellim pustokam,
vaitt cholchitram jim televizanvancher ani videocher dakhoittat. Tor tankam
heam soglleam vignantle vattai ani Tujea manta khal rakh ani tankam Devan
nirmilelem apovnnem konn tem tannim sodun kaddun ani mandun geun te Igorjek ani
desak man haddtat tosle nagri zai-xe kor.
Ami tuka samorpitanv amchim LHAN
BHURGIM: bautizman tankam dil’lem
niropradponn tãnnim kednanch ibaddina zai-xem kôr ani tankam bore bhaxen
vaddounk amkam soglleank uzvadd ani ghottai di.
Akhrêk ami Tuje adin kortanv je konn
hea ganvant ravtat ani azunui tujea Putak aplo Soddvonddar mhunn mandun
ghenant. Tor tache vixim Deva Bapachi khoxi kitem ti tankam kolloi ani te-i
veginch Bapachea ghorant aplo zago gheun, ekuch hinddache vangddi ani ekach
gonvlleancheô xellio zai-xe kôr.
Bhou mogall Maiê, hem amche
firgojechem somorponn mandun ghe, ani tachê vorvim ani tujê vinovnnen, Jezun
purnponnim hê amchê firgojechêr raj choloi-xem kôr, raj sotachem ani jivitachem
, raj bhagevontponnachem ani kurpêchem, raj nitichem, mogachem ani sovostaiêchem.
Amen.
Imprimatur
Paço Patriarcal, Panjim
22-8-92
===============================================
===============================================
Nixkollonk
Mariechea Kallzak, dor disachem Orponn.
Nixkollonk Marie,
Hanv, ………… bhavart naxil’lem/lo patki- mhojeo bautismacheo bhasavnneo Devachea
hatatlean novean korun teo mandun ghetam; Hanv sasnnak devcharak, tachea
dobajeak ani tachea kamak fatt kortam; ani mhojich sompurponni bhett, mon’xea
soimb ghetlole Zannvaiek Jezu Kristak korta, Tachech pattlean mhojea jvitacho
khuris gheun vetam ani Takach hea fuddem odik mhojem visvaxiponn bhasaitam.
Sorgichea
dolbarachea asnneant hanv Tuka, mhoji Avoi ani Ranni mhunn suikartam, Tuji
chakorn koxi (Tuzo chakor koso) mhakach tuje suvadin kortam, mhoji kudd ani
otomo, mhoje lagim jem asa titlem-i ani mhojea borea kornneacho adlo, atamcho
ani fuddlo foll legun, kainch addainastanam, sompurponni jem mhojem tem tuje
suvadin kortam. Deva, Tujea sukhak ani
Tuje vhorte mhoime khatir, az ani sasnnachea sasnnak, Amen.
Jezuchea omolik
rogta, amchem Taronn kor!
Nixkollonk Kallza
Mariechea, amche pasot mag!
Kallza Jesuchea,
amchi kaklut kor!
Nixkollonk manta
Ankvar Mariechea, amchi rakhonn kor!
Bhavevont Juze,
amche pasot mag!
Bhagevont Fransis
Xaviera, amche pasot mag!
Bhavenot Juze Vaza,
amche pasot mag!
Maneavont Padr
Agnela, amche pasot mag!
Bhoktivont Fransis,
Jacinta ani Alexandrina, amche pasot magat!
Devasche sevike
Lucia, amche pasot mag!
Bhagevont Pio,
amche atmik yadnika, amche pasot mag!
Bhaveont Joao Paul
II; amchea Patronna, amche pasot mag!
Kolkotachea
Bhagevont Tereza; amchi sonvstha sthapi vangddea, amche pasot mag!
No comments:
Post a Comment